لثانى مره .. اتصورت رادار والرخصه اتسحبت :(

السلام عليكم

قبل كده الرخصه كانت مسحوبه على الساحلى بتاع مطروح ورجعتها بالكوسه بمعرفه امين شرطه

المره دى بقى وانا راجع على الزراعى من اسكندريه لدمنهور اتصورت رادار والرخصه اتسحبت على الكمين اللى عند مدخل دمنهور وبالصدفه كان معايا واحد اخوه لواء شرطه بس معرفناش نعدى بالكوسه المره دى ودفعت 150 لحلوح :Zb_sor1[1]: .. والمشكله ان انا عارف المكان اللى انا اتصورت فيه بس كنت مطبق فى النوم ومش مركز وهو من ابو حمص لدمنهور علشان اللى بيسافر زراعى ياخد باله

http://nileup.com/up/uploads/nilemotors_14132943161.jpg

فى سؤال بقى

انا سمعت ان القانون الجديد لو ارتكبت فيه مخالفات كتير الرخصه الخاصه هتتسحب صح ولا ايه ..

ياعم هدي اعصابك :p

معلش اقصد لو ارتكبت مخالفات كتير هاتتلغى خالص مش هاتتسحب

اقتباس:

---

المشاركة الأصلية كتبت بواسطة j a g u a r

معلش اقصد لو ارتكبت مخالفات كتير هاتتلغى خالص مش هاتتسحب

---

مسمعتش عن كده خالص قبل كده

متهيألى - مش متأكد - ان الغاء الرخصة نهائى فى حالتين : السير عكس الاتجاه 3 مرات أو لاقدر الله خبطت حد بالعربية ومات أو اصابة جسيمة

ياباشا ولا يهمك دوس وربنا يسترها معاك :) وكل مشكلة في البلد دي ليها حل . سؤال بقى اتمسكت على سرعة كام وانتا كنت بتجري كام اصلن عشان واحد صاحبي كان ماشي 160 اتمسك 109 ههههههه . انا عن نفسي مش بحب ازود عن 140 بالكتير متوسط السرعة للبلد دي 120 لا عربيات ولا طرق تستحمل شوارعنا الجميلة هيا معمولة بمقاييس زي الفل تجبرك ما تجريش ولا فكرة الوصلات زي الى شوفتها في طريق إلى مرسى مطروح مطبات هوا زي الفل .

اقتباس:

---

المشاركة الأصلية كتبت بواسطة j a g u a r

السلام عليكم
المشكله ان انا عارف المكان اللى انا اتصورت فيه بس كنت مطبق فى النوم ومش مركز

---

وعليكم السلام ورحمة الله وبركاته
يا باشا الحمد لله على كده و اوعى تسوق تانى و انت مطبق او مش مركز

اقتباس:

---

المشاركة الأصلية كتبت بواسطة arkoon

ياباشا ولا يهمك دوس وربنا يسترها معاك :) وكل مشكلة في البلد دي ليها حل . سؤال بقى اتمسكت على سرعة كام وانتا كنت بتجري كام اصلن عشان واحد صاحبي كان ماشي 160 اتمسك 109 ههههههه . انا عن نفسي مش بحب ازود عن 140 بالكتير متوسط السرعة للبلد دي 120 لا عربيات ولا طرق تستحمل شوارعنا الجميلة هيا معمولة بمقاييس زي الفل تجبرك ما تجريش ولا فكرة الوصلات زي الى شوفتها في طريق إلى مرسى مطروح مطبات هوا زي الفل .

---

لا الرادار مظبوط معايا كنت معظم السكه 120 وطلعت 120 والمره اللى فاتت 170

اقتباس:

---

المشاركة الأصلية كتبت بواسطة shiko85

وعليكم السلام ورحمة الله وبركاته
يا باشا الحمد لله على كده و اوعى تسوق تانى و انت مطبق او مش مركز

انا متعود على كده وعادى
ربنا يسترها

---

اقتباس:

---

المشاركة الأصلية كتبت بواسطة j a g u a r

انا متعود على كده وعادى ربنا يسترها

---

عايز اقولك فى فتره كده كنت بنام ساعه او 2 فاليوم بالكتير و اوقات بطبق باليوم و الـ 2 من غير نوم خالص علشان ظروف البلد بس فيوم بعد ما رجعت البيت حوالى الساعه 3 الصبح - كنت مطبق اليوم اللى قبلها - كان والدى مسافر فا قولت اوصله المطار و ارجع من المطار على القاعده (من غير نوم طبعا) بعد ما وصلته و انا فالطريق للقاعده نمت ثوانى و لما صحيت كان فاضلى حوالى 10 متر او اقل و اكون تحت مقطوره و الحمد لله ربنا ستر فا لو الموضوع مش مستاهل تطبق نام حتى ساعه واحده قبل السواقه

اقتباس:

---

المشاركة الأصلية كتبت بواسطة shiko85

عايز اقولك فى فتره كده كنت بنام ساعه او 2 فاليوم بالكتير و اوقات بطبق باليوم و الـ 2 من غير نوم خالص علشان ظروف البلد بس فيوم بعد ما رجعت البيت حوالى الساعه 3 الصبح - كنت مطبق اليوم اللى قبلها - كان والدى مسافر فا قولت اوصله المطار و ارجع من المطار على القاعده (من غير نوم طبعا) بعد ما وصلته و انا فالطريق للقاعده نمت ثوانى و لما صحيت كان فاضلى حوالى 10 متر او اقل و اكون تحت مقطوره و الحمد لله ربنا ستر فا لو الموضوع مش مستاهل تطبق نام حتى ساعه واحده قبل السواقه

---

الحمد لله ربنا ستر

انا ببقى حاسس بنفسى وانا سايق
يعنى ممكن انام ولا لا
لو هنام فى السكه او عينى بتغمض غصب عنى هاحس بكده وهاركن على جنب
لو مش حاسس بنوم بكمل السكه

وفى الاول والاخر كلنا ماشيين بستر ربنا

يا راجل يعنى المرة اللى فاتت عديت من الكمين بالكوسة بسبب معرفتك لامين الشرطة والمرة دى معاك واحد اخوه لواء شرطة ومعرفتش تعدى طيب ازاى

اقتباس:

---

المشاركة الأصلية كتبت بواسطة j a g u a r

لا الرادار مظبوط معايا كنت معظم السكه 120 وطلعت 120 والمره اللى فاتت 170

---

أحيه ..ده أنا كل مشي على الصحراوي على 120..ربنا يستر بقى وماتقفش في مره..هي مش ناقصه غرامه

اقتباس:

---

المشاركة الأصلية كتبت بواسطة ahmedelrayan

يا راجل يعنى المرة اللى فاتت عديت من الكمين بالكوسة بسبب معرفتك لامين الشرطة والمرة دى معاك واحد اخوه لواء شرطة ومعرفتش تعدى طيب ازاى

---

اصل الامين كان شغال فى الكمين اللى الرخص اتسحبت فيه وامين شرطه واصل
والمره دى ممكن علشان اللواء مكنش موجود واخوه اللى كان معايا .. بس لو كان معايا كان هايعدينى

اقتباس:

---

المشاركة الأصلية كتبت بواسطة m_m_sh_a

أحيه ..ده أنا كل مشي على الصحراوي على 120..ربنا يستر بقى وماتقفش في مره..هي مش ناقصه غرامه
الصحراوى تقريبا مفيهوش رادار

---

اقتباس:

---

المشاركة الأصلية كتبت بواسطة محمد يوسف

متهيألى - مش متأكد - ان الغاء الرخصة نهائى فى حالتين : السير عكس الاتجاه 3 مرات أو لاقدر الله خبطت حد بالعربية ومات أو اصابة جسيمة

---

جبتها لك أهى...طلعت فعلا فى حالة صدم شخص بالسيارة ووفاته أو اصابته :

http://gate.ahram.org.eg/News/514291.aspx

اقتباس:

---

المشاركة الأصلية كتبت بواسطة محمد يوسف

جبتها لك أهى...طلعت فعلا فى حالة صدم شخص بالسيارة ووفاته أو اصابته :

http://gate.ahram.org.eg/news/514291.aspx

---

تمام يا باشا
شكرا لحضرتك

فداك يا باشا المهم انكم وصلتوا بالسلامة
اعتبرهم مساهمة منك فتطوير الطرق السريعة الجميلة الي عندنا
ولا مش واخد بالك ان الطرق ممتازة !! :Copy of rfds:

اول ما جبت العربية اتبهدلت مخالفات ردار ... انما الحمد لله دلوقتي بقيت حافظ ردارات طريق الأسكندرية الزراعي والمحلة واسكندرية الصحراوي

مين قال إن الصحراوي مفيهوش رادار
اليومين دول مليان رادار
انا أتصورت رادار أول الشهر على طريق الجيش القاهرة أسيوط بعد كارتة أسيوط علطول ودفعت ال 150 جنيه زي الجدع
وتقريبا كل إلي ماشي على الطريق لقيتهم في الكمين بيدفعوا المخالفة و لأن الطريق مفتوح كنت ماشي معظم الوقت على 180 كم
خلو بالكم !!!

اقتباس:

---

المشاركة الأصلية كتبت بواسطة s o p h o s

فداك يا باشا المهم انكم وصلتوا بالسلامة
اعتبرهم مساهمة منك فتطوير الطرق السريعة الجميلة الي عندنا
ولا مش واخد بالك ان الطرق ممتازة !! :copy of rfds:

---

ههههههههه اه فعلا ممتازه

اقتباس:

---

المشاركة الأصلية كتبت بواسطة the lawyer

اول ما جبت العربية اتبهدلت مخالفات ردار ... انما الحمد لله دلوقتي بقيت حافظ ردارات طريق الأسكندرية الزراعي والمحلة واسكندرية الصحراوي

---

الواحد مبيتعلمش بالساهل :)

اقتباس:

---

المشاركة الأصلية كتبت بواسطة hamo81

مين قال إن الصحراوي مفيهوش رادار
اليومين دول مليان رادار
انا أتصورت رادار أول الشهر على طريق الجيش القاهرة أسيوط بعد كارتة أسيوط علطول ودفعت ال 150 جنيه زي الجدع
وتقريبا كل إلي ماشي على الطريق لقيتهم في الكمين بيدفعوا المخالفة و لأن الطريق مفتوح كنت ماشي معظم الوقت على 180 كم
خلو بالكم !!!
الرادارات شده حيلها اليومين دول فى معظم الطرق

---